Өскемен мен ШҚО Ұлттық ұландықтар аудан тұрғындары үшін патриоттық кеш ұйымдастырды
Өскемен қаласындағы №3477 әскери бөлімінің әскери қызметкерлері Ұлан ауданының тұрғындарымен кездесті
Жастарды әскери қызметке - Қазақстан Республикасы Ұлттық ұлан қатарына шақыру және жергілікті халықтың әскери-патриоттық рухын көтеру мақсатында концерттік бағдарлама ұйымдастырылды.
Кешке жоғары сынып оқушылары, мұғалімдер, ата-аналар, аудан жастары шақырылды. Сонымен қатар, Ұлан ауданының бөлім басшылары, білім ордаларының басшылары қатысты.
Жиналғандар әскери оркестрдің сүйемелдеуімен ән тыңдап, кинолог мамандарының қызметтік иттерінің өнерін тамашалады. Сондай-ақ, көрермендер үшін қару-жарақ көрмесі ұйымдастырылды.
Әскери-патриоттық тәрбиенің негізгі мақсаты - жастарды өз Отанының адал патриоты болуға тәрбиелеу. Бүгінгі жастар - Отанымыздың келешегі. Сол себепті әскери-патриоттық тәрбиенің қоғамдағы рөлі ерекше. Әскери-патриоттық тәрбие – азаматтардың, әсіресе жоғары сынып оқушыларының, студенттердің, әскерге шақырылғанға дейінгі және әскердегі жастардың бойында отансүйгіштік, жоғары патриоттық сезімді қалыстастыру жөніндегі маңызды бағыттарының бірі, - деді №3477 әскери бөлімі командирінің тәрбие және әлеуметтік-құқықтық жұмыстар жөніндегі орынбасары майор Аңсар Шакенов.