Өскемен мен ШҚО Өскеменнің "Қазақстан" тауындағы ту тағы жыртылып кеткен
"Таза Өскемен" желдің екпіні басылған соң ту ауыстырылатынын мәлімдеді
Фото:
instagram/tazaoskemen
17-ші қарашаға қараған түні желдің күшеюінен "Мемлекеттік рәміздер тауы" сәулет кешенінің ту тұғырындағы Мемлекеттік Тудың кенептері зақымданған, деп хабарлайды Устинка LIVE тілшісі.
"Таза Өскемендегілер" ту кенебінің өлшемі үлкен (12 * 24 метр) әрі оның ашық биіктікте орналасуына орай мұндай оқиғалар орын алып тұратынын айтады.
Оқиға түнде орын алғандықтан, қараңғы және екпінді жел кезіндегі қауіпсіздік талаптарын басшылыққа ала отырып, жоғары биіктікте туды ауыстыру жұмыстары қолайлы уақытқа ауыстырылды, - деп мәлімдеді "Таза Өскемен" КМК.
"Таза Өскеменнің" жөндеу бөлімі желдің екпіні өткеннен кейін бірден туды ауыстыруға кіріспек.
