Өскемен мен ШҚО "Қызыл ту" өткелінің қызметкерлері балықшыларды құтқарып қалды
Кеше қатты желден Бұқтырма су қоймасында балықшылардың резеңке қайығы аударылып қалған
Оларға жақын маңда болған паром қызметкерлері көмекке келлген, деп хабарлайды Устинка LIVE тілшісі ШҚО ТЖД ақпаратына сүйеніп.
Күршім ауданындағы Бұқтырма су қоймасында, "Қызыл ту" паром өткелінің жанында 1966 және 1956 жылы туған екі балықшы соққан желдің салдарынан резеңке қайықпен аударылып қалған, - деп хабарлады ШҚО ТЖД. - Жақын жерде болған паром қызметкерлері құтқарушылар келгенге дейін балықшыларды құтқару шеңберінің көмегімен судан алып шығарды. Ер адамдар медициналық көмекке мұқтаж болмады және жағалауға шыққаннан кейін Алтай қаласына жеке көлігімен кетіп қалған.
ШҚО ТЖД азаматтардан қырағы болуды сұрайды.
Балық аулаймын деп өз өміріңізге қауіп төндірмеңіз. Жел кезінде және түнде жүзу құралдарымен су бетіне шықпаңыз. Құтқару кеудешелерін киіңіз. қайықты шамадан тыс жүктемеңіз. Төтенше жағдайлар кезінде 112 нөмірі бойынша хабарлау қажет, - ескертеді құтқарушылар.
