Өскеменде Глубокое ауданының мәдени күндері өтеді
Әдеттегідей апта соңында облыс орталығында аудандық өнерпаздар концерті мен шаруа қожалықтарының жәрмеңкесі болады
![Усть-Каменогорск и ВКО / Өскеменде Глубокое ауданының мәдени күндері өтеді Усть-Каменогорск и ВКО / Өскеменде Глубокое ауданының мәдени күндері өтеді](/upload/iblock/9cf/gqp32cxawbv71pm1thdhymkg3y5nmorn/imgonline_com_ua_Resize_s0A5H6Z8pfA.jpg)
Бұл жолы Глубокое ауданы келеді, деп хабарлайды Устинка LIVE.
10 қарашада сағат 18.00-де "Туған жер - алтын бесігім" аясында Өскемен қаласының "Ертіс концерт" орталық мәдениет сарайында Глубокое ауданының өнерпаздарының концерті өтеді. Кеш қонағы – Сырымтай Еңсепов.
11 қарашада Өскемен қаласының Қ. Сатпаев, 39 мекенжайында орналасқан "ТНП" дүкенінің алаңында Глубокое ауданының ауыл шаруашылығы жәрмеңкесі өтеді. Шаруа қожалықтары мен жеке кәсіпкерлер қала тұрғындарына өз өнімдерін ұсынады: ет, балық, бал, сүт, нан және өзге де өнімдер.
Қаланың барлық тұрғындары мен қонақтары азық-түлік тауарларын қолжетімді бағада сатып ала алады.