Өскемен мен ШҚО Өскемендегі автобус бақылаушылары енді бейнетіркегіш камерасымен жүреді
Бұл тексерушілер мен жолаушылар арасындағы қайшылықты жағдайларды шешуге көмектеседі
Жол ақысын төлемеген жолаушыларға 6900 теңге айыппұл салынады, деп хабарлады Устинка LIVE тілшісі.
Қоғамдық көліктердегі кондукторлардың жұмысын да, жолаушылардың уақтылы жол ақысын төлеуін де бақылаушылар тексереді. Оларды арнайы желеттері мен төсбелгілері арқылы ажыратуға болады.
Төлем жүйесін жасаушылар төлемді тексеру кезінде контролерлер қолданатын құрылғылардағы бағдарламалық жасақтаманы жаңартты. Енді көлік карталарын тексеру процесі одан да жылдам әрі тиімді болды, - деп хабарлады "Өскемен қаласы ЖТБО" ЖШС.
Естеріңізге сала кетейік, жолаушы көлікке кірген кезде бірден жол ақысын төлеуге міндетті: валидатор арқылы oskemencard картасымен, QR-кодты қолдана отырып, кондукторға немесе ол болмаған жағдайда жүргізушіге қолма-қол ақша арқылы. Билетсіз жол жүргені үшін заңнамамен ҚР ӘҚБтК 622-бабына сәйкес әкімшілік құқық бұзушылық туралы жауапкершілік белгіленген. Қазіргі уақытта жол ақысын төлеуден бас тартқаны үшін айыппұл 2 АЕК (6900 теңге) құрайды.
