Өскемен мен ШҚО "Таза Өскемен" қызметкерлері тәулік бойы жұмыс істеуде
Кешеден бері облыс орталығында толассыз жауған жаңбыр салдарынан көшелерде аяқ алып жүру мүмкін емес
"Таза Өскемен" коммуналдық кәсіпорны қызметкерлері тәуліктік қарқынды режімде жұмыс жүргізіп жатқанын мәлімдеді, деп хабарлайды Устинка LIVE.
Дренаж жүйелері мен арықтар, жаңбыр суы жиналатын құдықтар мен көшелердегі кәріз жүйелері үнемі тексеріліп, тазартылып отыр, - деп мәлімдеді "Таза Өскемен" ШЖҚ МКК. - Жұмысқа кәсіпорынның барлық жеке құрамы жұмылдырылған. Жолдар мен көшелерді судан тазартуға сорғы жабдықтарымен қамтылған 10 арнайы техника пайдаланылуда.
"Таза Өскемен" кез келген төтенше жағдайларда жылдам әрекет ету үшін Аймақтық басқару орталықтары мен жедел көмек қызметтерімен тығыз жұмыс жүргізуде.
Су басу қаупі төнген жағдайда 8 (7232) 53-25-77, 8 777 331 85 36 нөмірлері арқылы кәсіпорынның диспетчерлік қызметіне хабарлауға болады.
