Өскемен мен ШҚО Ертең ШҚО-да жаңбыр, қар жауады
Құтқарушылар ертең алыс жолға шықпауға кеңес береді
"Қазгидромет" ШҚО филиалы 31 қазанған арналған ауа райы болжамын жариялады, деп хабарлайды Устинка LIVE тілшісі.
Ақпарат бойынша 31 қазанда облыстың солтүстігінде, шығысында қатты жауын-шашын - жаңбыр, қар күтіледі. Облыстың солтүстігінде, шығысында тұман, көктайғақ болуы мүмкін. Оңтүстік-шығыстан соғатын жел оңтүстік-батысқа ауысады, облыстың шығысында, оңтүстігінде, орталығында жел жылдамдығы 15-20 м/с, күндіз екпіні 23-28 м/с дейін жетеді.
Халыққа дауылды ескертулерге немқұрайлы қарамай, мүмкіндігінше ұзақ сапарлардан бас тартып, елді мекендерден шықпауға кеңес береміз, - деп ескертті ШҚО ТЖД баспасөз қызметі. - Егер де жолға шығып жатсаңыз, көліктің дөңгелектерін қысқыға ауыстырып, көлікке күрек, жылы заттар, ЖЖМ қоры мен арқан салыңыз.
Төтенше жағдайлар туындаған кезде "112" телефоны бойынша хабарлау қажет.
