Өскемен мен ШҚО Өскеменде қазақ хандығы карталарының көрмесі өтеді
Көрмеде еуропалықтар жазып алған қазақ мемлекетінің картографиялық артефактілерін көруге болады
Бұл артефактілер Еуропа, Америка, Таяу Шығыс елдерінің ұлттық кітапханаларында, мұражайлары мен мұрағаттарында сақталып келген, деп хабарлайды Устинка LIVE тілшісі. Көрме 20 қазан күні қаланың облыстық драма театрында өтеді.
Көрме кезінде Еуропа ғалымдары мен дипломаттары, саяхатшылары тіркеп, жазып алған қазақ мемлекеттілігінің картографиялық артефактілерімен танысуға мүмкіндік береді. Бұл артефактілер Еуропа, Америка, Таяу Шығыс елдерінің ұлттық кітапханаларында, мұражайлары мен мұрағаттарында сақталып келген, - деп хабарлады Өскемен қалалық әкімдігі.
Оған дейін сағат 15.00-де белгілі ғалым, заманауи зерттеулер институтының директоры Мұхит-Ардагер Сыдықназарұлымен кездесу өтеді.
Ал "Қазақ мемлекеттілігінің үздіксіз тарихы - Еуропа мен АҚШ карталарында" атты қазақ хандығы карталарының көрмесі 18.00-де басталады.
