Өскемен мен ШҚО Катонқарағайлық жасөспірім бір түнде екі көлікті ұрлап кеткен
Катонқарағай ауданының ювеналды полиция қызметкерлері қылмыс жасаған 17 жастағы жасөспірімді анықтады
Кәмелетке толмаған бала ұрланған автокөлікпен жүрген жерінен қолға түсті, деп хабарлайды Устинка LIVE Polisia.kz ақпаратына сүйеніп.
Катонқарағай ауданының Үлкен Нарын ауылында профилактикалық рейд жүргізу барысында ювеналды полиция қызметкерлері ауыл көшелерінің 17 жастағы жасөспірімнің басқаруындағы ВАЗ-2106 автокөлігін тоқтатқан, көлік ішінде оның кәмелет жасқа толмаған екі досы болған, - делінген хабарламада. - Тексеру барысында аталған көлікті жасөспірімдер ауыл аулаларының бірінен айдап кеткені анықталды. Сонымен қатар олар бұған дейін бірнеше сағат бұрын тағы бір Chevrolet Nexia ұрланған автокөлікпен жүрген, аталған көлік иесі полицияға жүгінген.
Аталған фактілер бойынша ҚР ҚК-ның 200-бабы 1-бөлігі бойынша сотқа дейінгі тергеу басталды. Жасөспірімдер ата-аналарының бақылауына берілді.