Өскемен мен ШҚО ШҚО-дағы үздік шахматшы анықталды
Өскемендегі О. Бөкей атындағы №44 мектеп-лицейдің 8-сынып оқушысы Айза бәрінен озық шығып, республикалық кезеңде шығыстың намысын қорғайды
"Шахмат керуені" турнирінің ШҚО-дағы 7-ші жартылай финалы өз мәресіне жетті. Жеңімпаздардың есімдері белгілі болды, деп хабарлайды Устинка LIVE тілшісі.
Бүгін облыстық іріктеу турниріне өткен жиырма шахматшының ішіндегі үш үздік анықталды. Жүлделі 3-орынды Владимир Иконин, 2-орынды Әділжан Садыбеков алса, 1-орын Айза Тулекеноваға бұйырды.
11 адаммен ойнадым. Қиын болды. Шахмат ойнап жүргеніме 3 жыл болды, - дейді 14 жастағы Айза Тулекенова.
Жүлдегерлер қараша айында Түркістан қаласында өтетін гранд-финалда облыстың намысын қорғамақ.
Бұл жеңімпаздардан бөлек, турнирдің үш қатысушы "50 жасқа дейінгі шахматшы", "Ең жас шахматшы" және "Әйелдер арасындағы үздік нәтиже" аталымдары бойынша марапатталды.