ШҚО-да 1-3 градусқа дейін үсік сақталады

Синоптиктердің болжауынша, тек елдің батысында ғана жауын-шашын болмайды.

Алдағы күндері республиканың басым бөлігінде ауа райының тұрақсыз сипаты сақталады, жаңбыр жауады, найзағай мен екпінді жел күтіледі. Тек Қазақстанның батысында солтүстік-батыс антициклонының әсерінен жауын-шашынсыз ауа райы әлі де сақталады, - делінген "Казгидромет" РМК баспасөз қызметінің сәрсенбі күнгі хабарламасында.

Түнде және таңертең Қазақстанның солтүстік жартысында, республиканың оңтүстік және оңтүстік-шығысындағы таулы аудандарда тұман күтіледі. Еліміздің шығысында 28-29 қыркүйекте түнгі уақытта 1-3 градусқа дейін үсік сақталады.

Температуралық фонда елеулі өзгерістер күтілмейді, тек республиканың оңтүстігінде, оңтүстік-шығысында ауа температурасының күндіз 17-23 жылыға дейін, таулы аудандарда 8-13 жылыға дейін біртіндеп төмендеуі күтіледі.