Осы аптада Өскеменде Күршім ауданының мәдени күндері өтеді
"Туған жер – алтын бесігім" жобасы аясында 29-30 қыркүйегінде Өскемен қаласына Күршім ауданының өнерпаздары мен шаруалары келеді
![Усть-Каменогорск и ВКО / Осы аптада Өскеменде Күршім ауданының мәдени күндері өтеді Усть-Каменогорск и ВКО / Осы аптада Өскеменде Күршім ауданының мәдени күндері өтеді](/upload/iblock/e7b/6owye7lqaaw3k072c1dnap1bxpa6tide/imgonline_com_ua_Resize_KCFiilewXovHS.jpg)
Өскемен қаласының тұрғындары мен қонақтарын әдеттегідей концерттік бағдарламалар мен ауылшаруашылық өнімдерінің жәрмеңкесі ұйымдастырылады, деп хабарлайды Устинка LIVE тілшісі Өскемен қалалық әкімдігі ақпаратына сүйеніп.
29 қыркүйек күні сағат 11.00-де Арбатта - 80 жылдардағы ретро әндерден концерт, "Күз сыйы" дастархан көрмесі, сағат 18.00-де "Ертіс концерт" залында Күршім ауданы өнерпаздарының гала-концерті ұйымдастырылады.
30 қыркүйек күні сағат 8.00-ден бастап Fresh-Market сауда-логистикалық орталығының аумағында ауыл шаруашылығы өнімдерінің жәрмеңкесі, Күршім ауданы әртістерінің концерті, түрлі спорттық іс-шаралар (армрестлинг, гір көтеру, арқан тарту, палау, бауырсақ және ыстық шай тарату) өтеді.
Ал сағат 10.00-де "Алтай" стадионында аудан тұрғындары арасында шағын футболдан жарыс өтеді, Қажымұқан атындағы жекпе-жек сарайында волейболдан жарыс өтеді.