Өскемен мен ШҚО ШҚО-да аюды атқан браконьер ұсталды
Күдікті жыртқыштың етін тұтыну үшін атып алған
Жедел-профилактикалық іс-шараларын өткізу барысында полицейлер Өскемен қаласының 37 жастағы тұрғынын ұстаған, деп хабарлайды Устинка LIVE тілшісі ШҚО ПД баспасөз қызметі ақпаратына сүйеніп.
Ол Ново-Троицкое ауылында заңсыз аң аулаумен айналысып, аюды атып өлтірген.
Тәртіп сақшылары оқиға орнынан заттай айғақтарды: рұқсат құжаттары бар 12 калибрлі "Ataarms" және 308 калибрлі "Zauermod" мылтықтары, квадроцикл және аюдың ұшасын тәркіледі, - делінген ақпаратта. - Кейін олар ветеринарлық зертханаға сақтауға берілді.
Осы факті бойынша күдіктіге қатысты ҚР ҚК-ның 337-бабы 1-бөлігі "Заңсыз аңшылық" бойынша қылмыстық іс қозғалды. Аталған бап үш жылға дейінгі мерзімге бас бостандығынан айыру түріндегі жазаны қарастырады.