Бүгін түнде облыста температура 2 градусқа дейін төмендейді

26 қыркүйекте түнде Шығыс Қазақстан облысының басым бөлігінде, күндіз солтүстігінде шығысында, оңтүстігінде жауын-шашын (жаңбыр, жылбысқы қар) күтіледі, деп хабарлайды ШҚО ТЖД баспасөз қызметі.

Облыстың шығысында, оңтүстігінде батыстан, солтүстік-батыстан екпіні 15-20 м/с дейін жететін жел соғады.

ШҚО ТЖД қауіпсіздік шараларын сақтауды сұрайды.

Әлемжелі пайдаланушылары облыстың кей аймақтарында қар түсіп қалғанын жариялап жатыр.

ШҚО-да алғашқы қар тамыз айында жауған болатын, - деп еске салды "Қазгидромет" РМК. - 24 қыркүйек күні Марқакөл көлінің маңында қар жауса, бүгін Өмеш асуы маңында жауды.

Дауылды ескертулер туралы ақпаратты “Дәрмен” мобильді қосымша арқылы алуға болады.