Өскемен мен ШҚО Діни брошюралар таратқан ШҚО тұрғыны енді айыппұл төлейді
Ол Өскемен қаласындағы дәмханалардың бірінде насихат жүргізіп тұрған жерінен назарға іліккен
Діни сипаттағы материалдарды таратқаны үшін жауапкершілікке тартылды, деп хабарлайды Устинка LIVE тілшісі ШҚО ПД ақпаратына сүйеніп.
ШҚО ПД экстремизмге қарсы іс-қимыл басқармасының қызметкерлері жедел-іздестіру іс-шараларын жүргізу барысында облыстың 66 жастағы тұрғыны Өскемен қаласының дәмханаларының бірінде діни әдебиет тарату фактісін анықтады, - делінген хабарламада. - Жиналған материалдар дін істері басқармасына жіберілді, жүргізілген дінтану сараптамасының нәтижелері бойынша ұсынылған брошюралар мен буклеттердің діни мазмұны расталды.
Ер адам ҚР ӘҚБтК-ның 490-бабы 3-тармағының 1-бөлігі (Қазақстан Республикасының діни қызмет және діни бірлестіктер туралы заңнамасын бұзу) бойынша әкімшілік жауапкершілікке тартылды. Енді оған 50 айлық есептік көрсеткіш мөлшерінде айыппұл төлеуге тура келеді.