Өскемен мен ШҚО ШҚО-да Жергілікті әскери басқару органдарының күнін атап өтті
Салтанатты жиынға облыс әкімі Ермек Көшербаев қатысып, департамент жұмысымен танысты
12 қыркүйек – жергілікті әскери басқару органдарының күні, деп хабарлайды Устинка LIVE тілшісі.
Бүгінгі таңда қорғаныс істері жөніндегі департаменттер, басқармалар мен бөлімдер Қарулы күштердің ажырамас бөлігі әрі елдің қорғаныс қабілетін қамтамасыз ету жүйесінде маңызды рөл атқарады.
Жергілікті әскери басқару органдарының бөлімшелері әскерлер мен әскери оқу орындарын жасақтау, әскери оқытылған резервті есепке алуды жүргізу және даярлауды ұйымдастыру жөніндегі міндеттерді орындайды. Қазақстандықтар арасында әскери-патриоттық жұмыс жүргізеді.
Айтулы күнге орай ШҚО Қорғаныс істері жөніндегі департаментінде салтанатты шара ұйымдастырылды. Салтанатты шараға аймақ басшысы Ермек Қөшербаев та қатысты. Облыс әкімі әскери қызметшілерді атаулы күнмен құттықтап, отанды қорғау жолында іске асырып жатқан еңбектеріне табыс тіледі.
Бұдан бөлек, Ермек Беделбайұлы департаментте жүргізіліп жатқан әскерге шақыру жұмыстарының барысымен де танысып, өзінің оң бағасын берді. Сондай-ақ, әскерге шақырылғандар арасында идеологиялық жұмыстың, атап айтқанда, азаматтардың бойында қазақстандық патриотизм мен жастарға әскери-патриоттық тәрбие беру жұмысын жалғастыруды тапсырды.