Өскемен мен ШҚО Өскемендегі дүкендердің бірінде түнде өрт шықты
Өткен түнде Өскемендегі Назарбаев даңғылындағы 4 қабатты тұрғын үйдің бірінші қабатында орналасқан дүкендердің бірінде өрт шықты
Фото:
ШҚО ТЖД баспасөз қыметінен
Өрттің шығуына қауіпсіздік талаптарын сақтамау себеп болуы мүмкін, деп хабарлайды Устинка LIVE.
Оқиға орнына келген өрт сөндіру бөлімшелері бірінші кезекте қауіпсіздік мақсатында үйдің 14 тұрғынын, оның ішінде 2 баланы эвакуациялады. Түтін басқан азық-түлік дүкеніне кіріп, өрт сөндірушілер 10 шаршы метр аумақта өртті сөндірді, - деп хабарлайды ШҚО ТЖД баспасөз қызметі. - Өрттің алдын ала себебі - электр сымдарын орнату және пайдалану кезінде өрт қауіпсіздігі талаптарын сақтамау.
ШҚО ТЖД кәсіпкерлерге өрт қауіпсіздігі ережелерін сақтауды ескертеді.