Өскемен мен ШҚО Өскеменде 30-дан астам шетел азаматы заңсыз еңбек еткен
Оларды жұмысқа алған алты адам да әкімшілік жауапқа тартылды
Құрылыста жүрген шетелдіктер Тәжікстан мен Өзбекстаннан келген азаматтар, деп хабарлайды Polisia.kz.
"Учаске" ЖПІШ аясында көші-қон қызметінің қызметкерлері Өскемен қаласында уәкілетті органның рұқсатынсыз жеке үйлер салуды жүзеге асырған Өзбекстанның 21 азаматын және Тәжікстанның 13 азаматын анықтады. Құқық бұзушылар ҚР ӘҚБтК-ның 517-бабы 5-бөлігі бойынша әкімшілік жауапкершілікке тартылды, - делінген хабарламада.
Заңсыз мигранттарды жұмысқа қабылдаған 6 жұмыс беруші әкімшілік жауапкершілік түріндегі жазаға тартылған, оларға 100 мың теңгеден астам мөлшерде әкімшілік айыппұл салынды.
ШҚО-да жедел-профилактикалық іс-шарасы басталғаннан бері ҚР көші-қон заңнамасын бұзғаны үшін 100-ден астам адам әкімшілік жауапкершілікке тартылды.
ШҚО ПД көші-қон қызметі уәкілетті органның рұқсатынсыз Қазақстан Республикасында уақытша болатын шетелдік азаматтардың еңбек қызметіне тыйым салынғанын ескертеді.
