Өскемен мен ШҚО ШҚО-дағы 99 елді мекенде балаларды таситын автобус бар
Биылғы оқу жылында ШҚО-да 128 автобус оқушыларды тасымалдайтын болады
Шығыс Қазақстанда білім беру нысандарының жаңа оқу жылына дайындығы туралы ШҚО Білім басқармасының басшысы есеп берді.
99 елді мекенде 4208 баланы күн сайын 128 автобус тасымалдайтын болады, оның 11–і ағымдағы жылы сатып алынды, - деп атап өтті облыстық білім басқармасының басшысы Иннеса Чернышева.
Білім беру нысандары жылыту маусымына да дайындалуда. Білім басқармасы басшысының ақпараты бойынша, 343 мектептің 81-і қатты отынмен жылытылады. Олар үшін 30 мың тонна көмір сатып алынды, 24 мың тоннасы жеткізілді. Қалғаны 31 тамызға дейін жеткізіледі.
Айта кеткен жөн, мектептердегі балалардың қауіпсіздігіне ерекше назар аударылады. Инесса Чернышева барлық білім беру ұйымдары бейнебақылау жүйелерімен жабдықталғанын жеткізді.
