Өскемен мен ШҚО ШҚО-ға келген әскери колледж түлектері әскери қызметке дайындалуда
Биыл Шығыс өңірілік қолбасшылығына қарасты №27943 әскери бөліміне жиырмаға жуық сержант қызметке келді
Қазір ҚР Қорғаныс Министрлігіне қарасты Әскери колледж түлектері арнайы әдістемелік-нұсқаулық жиыннан өтуде, деп хабарлайды Устинка LIVE.
Әдістемелік-нұсқаулық жиынын өткізу жас сержанттарды әскери қызметке бейімдеуге бағытталған. Кіші командирлер құрамы жаңа лауазымға кірісер сәтте қызмет бабындағы қажетті алғышарттарды меңгеруге бағыттау, жеке құраммен оқу-жаттығу үдерісін сапалы ұйымдастыруға және тәрбие жұмыстары мен әлеуметтік-құқықтық шараларды жоғары деңгейінде жүргізуге қалыптастырады.
Жас сержанттардың негізгі міндеті – қызметтік міндеттерді адал орындау, алған білімдерін іс-жүзінде қолдану. Әдістемелік жиыннан кейін әр сержант бөлімше командирі, экипаж командирі жәнеде танк командирі ретінде тағайындалып, өздерінің әскери қызметтеріне кіріседі, - деді әскери бөлім сержанты 1-сыныпты сержант Қуат Қасымов.
Жас сержанттармен жиын 16 тамызға дейін жалғасады. Осы уақыт ішінде олар әскери бөлімде қызметтік жұмысты ұйымдастырудың негізгі қағидаттарымен егжей-тегжейлі танысып, жеке құрамды басқару дағдыларын бекітеді. Бұл жиыннан кейін жас сержанттар лауазымдарына тағайындалып, ары қарай қызметтерін жалғастырады.
