Өскемен мен ШҚО Полиция қызметкерлері банктерді аралап, интернет алаяқтық жайлы ескертті
Өскемен қаласы Полиция басқармасының криминалдық полиция қызметкерлері Халық банкінің барлық филиалдарын аралап, ондағы халыққа сақтық шараларын ескертті
Тәртіп сақшылары банк клиенттерінен өзге, несие беретін банк менеджерлерімен де кездесті, деп хабарлайды Устинка LIVE тілшісі Өскемен қалалық Полиция басқармасы ақпаратына сүйеніп.
Халыққа интернет желісінде және телефон арқылы жиі жасалатын алаяқтық схмелары түсіндірілді. Тәртіп сақшылары азаматтарды бөтен адамдарғадербес деректерін, өз карталары мен шоттарының деректерін, смс-хабарламалардың кодын хабарламауға, күдікті тұлғаларға сенбеуге, олардан келіп түскен кез келген ақпараттың дұрыстығын тексеруге шақырды.
Сондай-ақ, банк менеджерлеріне үшінші тұлғадан несие ресімдеуге жол бермеу ескертілді. Банк қызметкерлеріне клиентке несиені ресімдеу және ақша қаражатын беру кезінде клиенттердің эмоционалдық жағдайына назар аударып, сақ болу ұсынылды.
Алаяқтардың арбауына түскен болсаңыз, дереу полицияға "102" каналына хабарлаңыз.
