ШҚО-да орташа айлық жалақы - 328 мың теңге

Бұл туралы Ұлттық статистика бюросы ШҚО бойынша департаментінің басшысы хабарлады, деп хабарлайды Устинка LIVE тілшісі.

Ерназ Нұрлановтың айтуынша, 2023 жылдың 1 тоқсанында орташа айлық жалақы 328 мың 528 теңге.

Өткен жылдың сәйкес кезеңімен салыстырғанда жалақы 115,4%-ға өсті. Көлемі бойынша ең үлкен орташа айлық жалақы өнеркәсіп салаларында – 504 мың 230 теңге, ең азы басқа қызмет түрлерін ұсынуда - 154 мың 237 теңге, - деді Ерназ Нұрланов.

Сонымен қатар, оның айтуынша, 2023 жылдың 6 айында жұмыссыз халық саны 17 мың 823 адамды, ал жұмыссыздық деңгейі 4,7% -ды құрады.

1 маусымдағы жағдай бойынша облыс халқының саны 729,8 мың адамды құрайды. Осы жылдың 1 қаңтарынан бастап ШҚО халқының саны 425 адамға азайды. Қала тұрғындарының үлесі 0,1%-ға, ауыл тұрғындарының үлесі 0,4%-ға азайды, - деді ол.

Сонымен қатар, ағымдағы жылдың 1 тоқсанында облыс өнеркәсіп өндірісінің республикалық көлемінің 5,4% өндірді, ол 1 трлн 219,9 млрд теңгені құрады. 2022 жылдың сәйкес кезеңімен салыстырғанда өнеркәсіптік өндіріс индексі 104,9% құрады.