Өскемен мен ШҚО ШҚО-да демалыс күндері ауа райы қандай болады?
Синоптиктердің болжауынша, демалыс күндері нөсер жауын, найзағай мен қатты жел соғуы мүмкін
"Қазгидромет" ШҚО филиалы алдағы сенбі-жексенбіге арналған ауа райы болжамын ұсынды, деп хабарлайды Устинка LIVE тілшісі.
24 маусымда күндіз Шығыс Қазақстан облысынның солтүстігінде, шығысында қатты жаңбыр күтіледі. Түнде облыстың солтүстігінде, шығысында, күндіз басым бөлігінде найзағай, облыстың солтүстігінде, шығысында бұршақ, дауыл күтіледі. Оңтүстік-шығыстан соғатын жел солтүстік-батысқа ауысады, облыстың солтүстігінде, оңтүстігінде, шығысында күші 15-20 м/с, күндіз екпіні 23-28 м/с. Облыстың шығысында төтенше өрт қаупі сақталады.
Өскемен қаласында найзағай күтіледі. Оңтүстік-шығыстан соғатын жел солтүстік-батысқа ауысады, таңертең және күндіз екпіні 17-22 м/с.
25 маусымда Шығыс Қазақстан облысынның солтүстігінде, шығысында қатты жаңбыр күтіледі. Облыстың солтүстігінде, шығысында бұршақ, дауыл күтіледі. Жел солтүстік-батыстан соғады, облыстың батысында, солтүстігінде, оңтүстігінде күші 15-20 м/с, екпіні 23-28 м/с.
Осы орайда ШҚО ТЖД мамандары халыққа сақтық шараларын қатаң сақтау қажеттігін ескертеді.