ШҚО полицейлері есірткі ораушы-курьерді ұстады

Өскемен қаласында елорда тұрғыны тұтқындалды, деп хабарлайды Устинка LIVE ШҚО ПД баспасөз қызметіне сілтеме жасап.

Өскеменде жедел-іздестіру іс-шараларын жүргізу барысында ШҚО ПД Есірткі қылмысына қарсы іс-қимыл басқармасының жедел уәкілдері облыс прокуратурасымен бірге тыйым салынған заттарды мессенджерлердің бірінде интернет-дүкен арқылы сатқан 26 жастағы Астана тұрғынын ұстады, - делінген хабарламада. - Полицейлер ер адамның аймақтық курьер және есірткі қоймасының ораушысы қызметін атқарғанын анықтады. Күдікті аса ірі көлемдегі есірткі заттарын алып, оларды орап, жасырын жерлерге қойып отырған.

Тінту іс-шараларын жүргізу барысында оның жалдамалы пәтерінен жалпы салмағы 500 грамнан асатын психотроптық заттар табылып, тәркіленді.

Аталған факті бойынша ҚР ҚК-ның 297-бабы 3-бөлігі 1,3,5-тармақтары бойынша қылмыстық іс қозғалды. Күдікті 10 жылдан 15 жылға дейін бас бостандығынан айырылуы мүмкін.