COVID-19 пандемиясына қатысты қаулылардың күші жойылады

Қазақстанда және әлемде коронавирус инфекциясы бойынша эпидемиологиялық жағдай тұрақтанды, деп хабарлайды Устинка LIVE ҚР Денсаулық сақтау министрлігі ақпаратына сүйеніп.

Осыған байланысты білім беру ұйымдарында, сондай-ақ "Ashyq" жобасында халықтың арасында коронавирус инфекциясына қарсы күрес жөніндегі шектеу шараларын көздейтін Қазақстан Республикасы Бас мемлекеттік санитариялық дәрігерінің қаулыларының күші жойылды.

Осылайша, "Қазақстан Республикасының Бас мемлекеттік санитариялық дәрігерінің кейбір қаулыларының күшін жою туралы" Қазақстан Республикасының Бас мемлекеттік санитариялық дәрігерінің 2023 жылғы 19 мамырдағы №5 қаулысына қол қойылды.

Сонымен қатар, COVID-19 коронавирус инфекциясы жойылмағанын хабарлаймыз, - делінген хабарламада. - Вирустың таралуы жалғасуда, бірақ аурудың салыстырмалы түрде жеңіл ағымын ескере отырып, кейіннен халықтың сырқаттанушылығын бақылау басқа вирустық инфекциялармен қатар тұрақты негізде жүзеге асырылатын болады.