Өскемен мен ШҚО "Дейнека" құрылыс компаниясы өскемендіктердің қаржысын қайтара ма?
ШҚО әкімдігі "Дейнека" компаниясынан салымшыларға ақшаны толығымен қайтаруды талап етті
Броньдау шарттары бойынша өскемендік 50 салымшы бұл фирмаға 737 млн теңге төлеген, деп хабарлайды Устинка LIVE тілшісі ШҚО әкімдігі ақпаратына сүйеніп.
Оның жетеуі ақшасын қайтарып алған, 13-і құрылыстың аяқталуын күтіп отыр. Ал енді 13-і сатып алушының үстінен сотқа талап-арыз берді, 17-сі ақшаны өз еркімен қайтаруды күтуде.
Алайда компанияның шоттарында ақша жоқ, яғни объектілерді аяқтауға да еш қаражаттары жоқ. Оларда үш позиция (тоғыз қабатты үйлер) болды. Қазір фирма өкілдері бір үйді тоғыз емес, алты қабатпен аяқтауға мүмкіндік беруді сұрауда, - дейді ШҚО әкімі Даниал Ахметов.
Бұл келісімшартты және жобалау-сметалық құжаттаманы тікелей бұзу болып табылады. Аудиттен кейін жұмыстарды орындамау фактілері анықталды, бір ұстаным бойынша шартты бұзу және залалдарды өтеу туралы талап арыз берілді. Сонымен қатар, "Ертіс" ӘКК АҚ сот-құрылыс сараптамасын жүргізу туралы өтініш хат берді.
Енді бұл компания мемлекетті және оның серіктестерін қайтадан алдамайтынына кепілдік жоқ. Сондықтан біз "Дейнека" фирмасы барлық қатысушылармен броньдау шарттарын бұзып, адамдарға ақшаны толығымен қайтарып беруін талап етеміз, - деді облыс әкімі.
