Өскемен мен ШҚО Алтай ауданының тұрғыны бірнеше қару-жарақты заңсыз сақтаған
ШҚО полицейлері Алтай ауданының тұрғынынан заңсыз сақталған қару-жарақ пен оқ-дәрілерді тәркіледі
15 мамыр күні Серебрянск қаласында жедел-іздестіру іс-шараларын жүргізу кезінде тіркелмеген қаруды сақтау фактісі анықталды, деп хабарлайды Устинка LIVE тілшісі Polisia.kz сайтына сілтеме жасап.
Қала тұрғындарының бірінен полицейлер тіркелмеген бес тегіс ұңғылы мылтықты, ұсақ калибрлі мылтықтың ұңғысын, үш аңшылық пышақты, сондай-ақ 50-ден астам патронды тәркіледі, - делінген ШҚО ПД баспасөз қызметінің ақпаратында. - Қазіргі уақытта полицейлер тіркелмеген қарудың қайдан шыққанын анықтап жатыр. Баллистикалық сараптамалар тағайындалды.
Өңірде "Қаруды тапсыр" науқаны өтіп жатыр. Науқан аясында заңсыз сақталған қару-жарақ заттарын өз еркімен тапсырған азаматтар қылмыстық және әкімшілік жауаптылықтан босатылатынын атап өткен жөн.
Сондай-ақ, қару мен оқ-дәрілерді ерікті түрде тапсырғаны үшін қарудың әрбір бірлігі оның техникалық күйін ескере отырып республикалық бюджеттен 10-нан 100 АЕК-ке дейінгі төлем көзделеді. Қаруды тапсыру үшін кез келген полиция бөліміне хабарласуға немесе "102" нөміріне қоңырау шалу қажет.
