Өскемен мен ШҚО Өскемендегі сауда үйіндегі қыздар төбелесіне қатысты тергеу аяқталды
Іс әрі қарай сотқа жолдау мәселесін шеші үшін қалалық прокуратураға жолданды
Іс ҚР Қылмыстық кодексінің бірнеше бабы бойынша қаралуда, деп хабарлайды Устинка LIVE тілшісі ШҚО ПД баспасөз қызметі ақпаратына сүйеніп.
Естеріңізге сала кетейік, сәуір айының басында әлеуметтік желіде Өскемендегі сауда орталықтарының бірінде төбелескен қыздардың видеосы тараған болатын. Бір топ қыз бір қызды аяусыз ұрып-соғып, видеоға түсірген. Алдымен қыздың шашын жұлып, жұдырық жұмсайды, артынша шешіндіріп, бетінен тебеді. Осы оқиға қоғамның қызу талқысына түскен болатын.
Күдіктілерге қатысты іс ҚР Қылмыстық кодексінің бірнеше бабы бойынша сараланды, - деп хабарлайды ШҚО ПД баспасөз қызметі. - Қылмыстық іс өндіріспен аяқталды, процеске қатысушылар тергеу нәтижелерімен таныстырылды. Қазіргі уақытта қылмыстық істің заңдылығын зерделеу және әрі қарай сотқа жолдау мәселесін шешу үшін Өскемен қаласының прокуратурасына жолданды.
Қылмыстық-процестік кодекстің 201-бабының 1-бөлігіне сәйкес сотқа дейінгі тергеп-тексерудің өзге де ақпараты жария етілмейді.