Өскемен мен ШҚО ШҚО әскерилері Отбасы күнін атап өтті
ШҚО-дағы әскери қызметшілердің отбасылары арасында спорттық сайыстар өтті
Ұлттық ұланның "Шығыс" өңірлік қолбасшылығына қарасты №3477 әскери бөлімінде Халықаралық мерекеге орай әскерилердің отбасыларына арналған ашық есік күні өтті, деп хабарлайды Устинка LIVE тілшісі "Шығыс" өңірлік қолбасшылығының баспасөз қызметі ақпаратына сүйеніп.
Мерекелік шараға қатысқан 15 отбасының 5-еуі көпбалалы.
Бүгін біз үшін ерекше күн. Қазақстандық отбасыларды мерекемен құттықтаймын. Әр шаңырақтың береке-бірлігі арта берсін. Еліміздің болашағы – ұрпағымыз аман болсын! - дейді №3477 әскери бөлім командирі подполковник Руслан Есенғалиев.
Әскери бөлім ұйыдастырушылары отбасыларға арнайы спорттық ойындар ұйымдастырса, баларға арнап аквагрим мен аниматорлық ойындар өткізді. Мерекелік шара соңында қатысушыларға әскери бөлім командирінің атынан алғыс хаттар табысталды.