Өскемен мен ШҚО Өскеменде жүзге жуық әскери 5 шақырымға жүгіріп жарысты
Өскеменде Отан қорғаушылар күні және Ұлты Жеңістің 78 жылдығына орай үш әскери бөлімнің қызметкерлері 5 шақырымдық жеңіл атлетикалық кросстан өзара сайысқа түсті
Жарысқа №№6699, 3477 және 5518 әскери бөлімдерінің офицерлері мен сержанттар құрамы және жедел шақырылымдағы сарбаздар қатысты, деп хабарлайды Устинка LIVE тілшісі "Шығыс" өңірлік қолбасшылығының баспасөз қызметінің ақпаратына сүйеніп.
Жеңілатлетикалық кросстың нәтижесі бойынша офицерлер арасында жүлделі 1-орынды №6699 әскери бөлімінің 3-взвод командирі Шыңғысхан Шалқаров жеңіп алды. Ал 2-орынды сол әскери бөлімнің 2-взвод командирі Өміржан Тоқтарбаевқа бұйырса, үшінші болып мәре сызығын №5518 әскери бөлімінің рота командирінің орынбасары Серік Құдайбергенов кесті.
Ал сержанттар арасында алғашқы болып мәре сызығынан 3477 әскери бөлімінің бақылаушы маманы Ербол Сенбай өтсе, екінші болып 6699 әскери бөлімінің сержанты Мейір Макенов келді. Ал үшінші орынды 3477 әскери бөлімінің техник маманы Курванжан Гулмандулов жеңіп алды.
Жедел шақырылымдағы сарбаздар арасындағы бәйгеде барлық жүлделі орындарды №5518 әскери бөлімінің сарбаздары иеленді. Бірінші болып мәреге келген қатардағы Айтекеби Халиков, ал екінші орынды қатардағы Ерғанат Тлебалды жеңіп алса, үшінші орынды қатардағы Жандарбек Балтабаев жеңіп алды.
Барлық жеңімпаздар медальдар және мақтау қағаздарымен марапатталды.
