Өскемен мен ШҚО Өскеменде шылым кесірінен өрт шықты
Бүгін Өскемендегі көпқабатты үйлердің бірінде өрт шығып, тұрғындарды дереу эвакуациялау қажет болды
Пәтер иесі ауруханаға жеткізілді, деп хабарлайды Устинка LIVE тілшісі ШҚО ТЖД ақпаратына сүйеніп.
Осыдан бірнеше сағат бұрын Өскемен қаласындағы Қ. Бітібаева көшесіндегі көпқабатты үйлердің бірінен өрт шықты. 2-қабаттағы пәтер терезесінен будақтаған қою қара түтінді байқаған куәгерлер дереу өрт сөндіру қызметін шақыртқан.
Өрт сөндірушілер оқиға орнына келгенде терезеден шыққан түтін жоғарғы қабаттардың балконына, үйдің кірес берісіне жайылып үлгерген. Құтқарушылар тұрғындарды эвакуациялап, өртті сөндіруге кірісті. Барлығы 7 адам құтқарылды. Өрт ошағы болған пәтерден 1952 жылғыер адам шығарылып, апаттар орталығы мен жедел жәрдем дәрігерлері алғашқы медициналық көмек көрсетіп, медициналық мекемеге жеткізді, - делінген хабарламада.
Өрт сөндірушілерге 55 шаршы метр аумақтағы өртті толығымен сөндіру үшін 40 минут қажет болды. Өрттен 5 балкон бүлінді.
Алдын ала болжам бойынша темекі шегу кезінде абайсызда өрт шыққан болуы мүмкін.
