Өскемен мен ШҚО Бүгін Өскеменде кей көшелерде көлік қозғалысы шектелмек
Бүгін, 25 сәуірде, Өскемен қаласында терроризмге қарсы жаттығулар өткізіліп жатыр
Осыған байланысты қалада бірқатар шектеулер қойылған, деп хабарлайды Устинка LIVE тілшісі ШҚО ПД ақпаратына сүйеніп.
Оқу - жаттығу барысында террористік тұрғыдан осал объектілерде террористік жағдайдың өрбуіне байланысты жедел қимылдау шаралары пысықталуда, - деп мәлімдеді Терроризмге қарсы күрес жөніндегі Шығыс Қазақстан облыстық жедел штабы. - Сонымен қатар, бірқатар шектеу шаралары, соның ішінде көлік құралдарының қозғалысындағы шектеулер қарастырылған.
Осыған байланысты Өскемен қаласы тұрғындары және қонақтарына уақытша шектеулерге түсіністікпен қарауға, қауіпсіздік шараларын және мемлекеттік органдардың заңды талаптарын сақтау ескертіледі.
⠀