Өскемен мен ШҚО Павлодар облыстық драма театры Өскеменге келеді
Ж. Аймауытов атындағы Павлодар облыстық қазақ музыка-драма театры Өскеменде өнер көрсетеді
Ертіс-Баян өңірінің рухани қарашаңырағы өскемендіктерге үш үздік қойылымын ұсынбақ, деп хабарлайды Устинка LIVE тілшісі.
Жүсіпбек Аймауытов атындағы Павлодар облыстық қазақ музыка-драма театры қазақ ұлттық өнерінде беделі биік, өзіндік имиджі қалыптасқан бірегей өнер ордасы. Халқымыздың бай мұрасын, қастерлі құндылықтарын ұрпақтар санасында жаңғыртып, көркемдік мазмұны терең қойылымдарды көрерменге ұсынып келеді.
Керекулік театр ұжымы ШҚО драма театры ғимаратында өскемендіктерді асыға күтеді:
- 27-28 сәуір күндері сағат 13.00-де, бүлдіршіндерге арналған Б. Шолпанұлдың "Аладдин" ертегісін;
- 27 сәуір сағат 18.30-да, ақын, жазушы, философ, тарихшы, композитор Шәкәрім Құдайбердіұлының туғанына 165 жыл толуына орай, ақынның "Ұждан" әңгімесінің желісі бойынша "Ұждан" /әфсана/ қойылымын;
- 28 сәуір сағат 18.30-да, Қ. Жүнісовтің "Алғашқы махаббат" комедиясын ұсынады.
Билеттер театр кассасында және ticketon.kz сайтында сатылымда.