ШҚО-да жер қойнауын пайдаланушы 14 компания лицензиясынан айырылды
Бұл компаниялар мемлекет алдындағы өз міндеттемелерін орындамай, заң бұзған
![Усть-Каменогорск и ВКО / ШҚО-да жер қойнауын пайдаланушы 14 компания лицензиясынан айырылды Усть-Каменогорск и ВКО / ШҚО-да жер қойнауын пайдаланушы 14 компания лицензиясынан айырылды](/upload/iblock/fbc/5ytdvaupvd8vg18lfwa8y63zxjurc94m/imgonline_com_ua_Resize_t7abXUrYKDqz.jpg)
Бұл туралы ШҚО кәсіпкерлік және индустриялық-инновациялық даму басқармасы мәлімдеді, деп хабарлайды Устинка LIVE тілшісі.
Басқарма ақпаратына сүйенсек, өңір бойынша жер қойнауын пайдаланушы 177 компания жұмыс істейді.
Оның ішінде 21-і пайдалы қазбаларды игерумен, 66-сы барлау жұмыстарымен айналысады. Әрбір кәсіпорынмен жасасқан келісімшарттар бойынша олардың облыстың әлеуметтік-экономикалық дамуына және инфрақұрылымының жақсаруына жыл сайын қаржылай аударымдар жасауға міндеттемелері белгіленген. Өткен жыл бойынша 80 жер қойнауын пайдаланушы 34,5 млн теңге аударады деп күтілуде, - делінген ақпаратта.
Осы ретте, өз міндеттемелерін орындамаған компанияларға тиісті шаралар қолданылуда. Атап айтқанда, бүгінде 14 компания жұмыс істеуге қажетті лизензиядан айырылып отыр. Оның ішінде 4-і барлау жұмыстарымен, 10-ы пайдалы қазбаларды игерумен айналысады.