Өскемен мен ШҚО ШҚО-да биыл қай жолдар жөнделеді?
ШҚО-да ірі инфрақұрылымдық жобаларды іске асыру жалғасады
Ағымдағы жылы ШҚО-дағы Бұқтырма су қоймасы арқылы өтетін көпір құрылысы, Осинов асуын айналып өтетін "Қалбатау-Майқапшағай", "Өскемен-Алтай-Рахманов қайнары" автожолын қайта жаңарту жалғаспақ, деп хабарлайды Устинка LIVE тілшісі.
Сондай-ақ, 2023 жылы Осинов асуының басынан Александровка ауылына дейінгі учаске жөнделеді. 2024 жылы Александровка ауылынан Жаңа Бұқтырма ауылына дейін жөндеу жоспарланған. Жоба түзетуде, сараптама мерзімі 2023 жылғы 31 мамыр. Сондай-ақ, "Өскемен - Семей" жолын қайта жаңғыртуды жоспарлап отырмыз, - деді ШҚО әкімі Даниал Ахметов.
Одан өзге, жақын арада Шемонаиха қаласын айналып өтетін жол және Уба өзені арқылы өтетін көпір мен "Өскемен - Тарханка - Топиха - Черемшанка - Риддер" автожолының құрылысы жоспарланған. Бұл қалалар арасындағы қашықтықты 43 км-ге қысқартады және 62 км құрайды.
Сонымен қатар,облыс орталығының көлік инфрақұрылымын дамыту мақсатында Жібек Жолы көшесінен Өскемен-Алматы бағытындағы автомобиль жолына дейінгі бөлікті қайта жаңарту жалғасуда.
Сәтбаев даңғылы мен Жібек жолы көшесі мен Славский–Пермитин көшесінің қиылысында көлік айрығының құрылысы басталады. Жол Ертіс өзені арқылы өтетін көпірдің астынан өтіп, Пермитинге шығуы тиіс. Бұл көпір алдындағы көлік шеңберін, Абай және Шәкәрім даңғылдарының тұсындағы көпірлер арасындағы жағалаудағы көлік қатынасын ретке келтірмек, - деді аймақ басшысы.
