Өскемен мен ШҚО ШҚО-да "некеге дейінгі кеңес беру курстары" құрылуы мүмкін
Бұл отау құруға ниеттенген жастарға жанұя болудың қыр-сырын түсіндіріп, отбасының құндылығын ұқтыратын тегін курстар болмақ
Бұл туралы ҚР Ақпарат және қоғамдық даму вице-министрі Евгений Кочетов ШҚО журналистерімен өткен брифинг барысында мәлімдеді, деп хабарлайды Устинка LIVE. Оның айтуынша, "некеге дейінгі консультация беру курсының" пилоттық режимі іске қосылуы мүмкін.
Бағдарламаның мәні мынада: АХАЖ-ға өтініш берген жастардың тегін, ерікті курстан өтуге және "Бақытты отбасы" мағынасы нені білдіретінін жеткізгіміз келеді, - дейді Евгений Кочетов. - Біз бұл жұмысты жазда бастаймыз. Енді біз оны іске асыратын ықтимал аймақтарды қарастырамыз. Бұл Өскемен қаласы болуы мүмкін.
Жоба "БҰҰ-Әйелдер" ұйымымен бірлесіп іске аспақ.
Сонымен қатар, брифинг барысында спикер NEET санатындағы жастардың әлеуметтік жағдайы мен әл-ауқатына жүйелі мониторинг тұрақты негізде ұйымдастырылатынын айтты.
Жұмыссыз жастарды анықтау Еңбек министрлігі Ақпарат және қоғамдық даму министрлігі мен бірлесіп жүргізіп жатқан "отбасының цифрлық картасы" аясында жүргізілуде. Сондай-ақ, біздің министрлік қалалар мен облыстардың әкімдіктерімен бірлесіп аулаларды аралайтын болады. Осы аралау аясында біз бұл адамның шынымен NEET жастар санатына жататынын анықтаймыз және осыған сүйене отырып, атаулы жұмыс жасаймыз, - деп түсіндірді вице-министр.
Бұл ретте, Евгений Кочетов ШҚО-да уақытша жұмыспен қамтылмаған жастардың деңгейі төмен екенін атап өтті.
