Қазақстан Ертеңнен бастап 1-сыныпқа өтініш қабылданады
Биыл 400 мыңнан астам бала жаңа оқу жылында бірінші сыныпқа барады
Бірінші сыныпқа қабылдау үшін өтініш беру 1 сәуірде басталып, тамыздың 1-іне дейін жалғасады, деп хабарлайды Устинка LIVE тілшісі ҚР Оқу-ағарту министрлігі ақпаратына сүйеніп.
Өтінішті egov.kz электрондық үкімет веб-порталы мен жергілікті атқарушы органдардың ақпараттық жүйелерінде беруге болады.
Балалар 1-сыныпқа алты жастан бастап ата-анасы немесе заңды өкілінің өтініші негізінде қабылданады. Өтінішпен бірге №065у формасындағы денсаулық жағдайы туралы анықтама, 026/у-3 баланың денсаулық паспорты және баланың екі дана 3*4 фотосуреті болу керек. Өтініш демалыс және мереке күндерді қоспағанда, дүйсенбіден жұмаға дейін қабылданады. Сондай-ақ 1-2 сәуір демалыс күндері, демек өтініштер 3 сәуірден бастап қаралады, - деді Орта білім комитетінің бас сарапшысы Ерлан Маемеров.