Өскемен мен ШҚО Өскеменде су басуы мүмкін 11 учаске бар
Қалада қар еру кезеңіне дайындық жұмыстары 10 наурызға дейін аяқталады деп жоспарланған
Қаламызда соңғы бес жыл бойы су тасқыны кезеңіне дайындық бойынша іс-шаралардың реттелген бағдарламасы іске асырылып келеді, деп хабарлайды Устинка LIVE Өскемен қалалық әкімдігіне сілтеме жасап.
Қауіпті учаскелердегі жұмыс күзде басталып, ақпан-наурыз айларында қайта жалғасады.
Биыл қар еру кезеңіне дайындық жүргізіліп жатыр, бұл жұмыстар 10 наурызға дейін аяқталады. Қалада барлығы 11 қауіпті учаске бар, - дейді Өскемен қаласының әкімі Жақсылық Омар. - Осы қыста жауын-шашынның жоғары деңгейіне қарамастан, олардың бесеуінде қауіп-қатер толығымен жойылды. Алты учаскеде тәуекелдер азайтылып, тәулік бойы бақылау жүргізіліп отыр.
Шаһар басшысы атап өткендей, еріген қар суын бұру үшін Красин кентінде ұзындығы 350 метр болатын арық, ал 28-ші тұрғын ауданының шекарасы бойынан ұзындығы 550 метрге жететін арық қазылды.
Сондай-ақ, Соградағы Маховка өзенінің арнасында ұзындығы 850 метр учаскеде жағалауды нығайту жұмыстары жүргізілді.
