Өскемен мен ШҚО ШҚО мектептерінде 300-ден астам пікірсайыс клубы бар
Облыстағы жалпы орта білім беру ұйымдарының 9-11-ші сынып оқушылары арасынан ұлттық пікірсайыс турнирінің республикалық кезеңіне баратындар анықталды
ШҚО Білім басқармасы дебатерлер арасында ұлттық пікірсайыс турнирінің облыстық кезеңін өткізді, деп хабарлайды Устинка LIVE тілшісі.
Мекеме ақпаратына сүйенсек, қазіргі таңда облысымызда 4 869 дебатерді қамтитын 301 дебаттық клуб бар. Ал бұл жолғы ойынға 36 дебаттық клубтан 70-тен астам оқушы қатысты.
Турнирдің мақсаты - білім алушылардың жеке басының рухани-адамгершілік, патриоттық және азаматтық қасиеттерін, сондай-ақ шешендік шеберлік дағдыларын, сындарлы диалог пен дау жүргізу мәдениетін, дәлелдеу өнерін қалыптастыру, - делінген ШҚО Білім басқармасы таратқан ақпаратта. - Турнирге облыстың мектепішілік және аудандық, қалалық кезеңдердің жеңімпаздарын қамти отыра 70-тен астам қатысушыдан құралған пікірсайыс клубтарының 36 командасы қатысты.
Пікірсайыстар үш тілде өтті. Қазақ тіліндегі пікірсайыста дарынды балаларға арналған облыстық мамандандырылған мектеп-лицей-интернатының "Эрудиция" командасы; орыс тілді командалар арасынан облыстық мамандандырылған ІТ мектеп-лицейінің "Mind palace" командасы; ағылшын тілінді командалар арасынан дарынды балаларға арналған облыстық мамандандырылған мектеп-лицей-интернатының "Аlpha" командасы командасы озық ой, шешендіктерімен алға шықты.
Үздік жеңімпаз мектеп пікірсайысшылары 2023 жылғы 16-17 ақпанда Астана қаласында өтетін Ұлттық пікірсайыс турнирінің республикалық кезеңінде Шығыс Қазақстан облысының атынан қатысады.