Өскеменде жазушы Әлібек Асқаровпен кездесу өтті

Жиналғандар жазушы шығармашылығымен жақыннан танысып, өңір табиғаты турасында сыр шертті, деп хабарлайды Устинка LIVE кітапхананың баспасөз қызметіне сілтеме жасап.

Қазақстан Республикасының Мемлекеттік сыйлығының лауреаты Әлібек Асылбайұлы Асқаровпен кездесуге ақын-жазушылар, студенттер мен оқушылар келді. Сондай-ақ, Катонқарағай ауданы Белқарағай орта мектебінің шәкірттері онлайн форматта қатысты.

"Мұзарт шыңды аңсаймын" атты ерекше форматтағы кездесу қаламгердің жер-су атауларына берген анықтамалары бойынша викториналық сұрақ-жауап түрінде болды. Шараға жиналған қонақтар жазушының өмір жолы мен шығармашылығы туралы сұрақтарына жауап алды, - деп хабарлады кітапхана қызметкерлері.

Айта кетейік, қонақтар арасында жазушыға арнап өлең-жыр оқығандар да болды.