Өскемен мен ШҚО Өскемендегі толассыз қарды тазартуға барлық техника жұмылдырылған
Алайда кейбір аудандарға әлі жетпей жатса керек, тұрғындар шағымдануда
"Таза Өскемен" коммуналдық қызметі қолда бар барлық техника қар тазалау жұмыстарына джұмылдырылғанын мәлімдеді, деп хабарлайды Устинка LIVE тілшісі.
Техникалар тоқтап қалмайды, тек жүргізушілер кезекпен ауысып желіге шығып отырады. Жеке құрам қызметкерлері де сондай режимде жұмыс істейді. Қалада қар кешеден бері жауып тұр, сонымен қатар бүгін таңертең сағат 10.00 шамасында бұрқасын жел соға бастады. Сондықтан, барлық техникаларды жұмылдырудамыз. Бірақ жеңіл көлік пен қоғамдық көліктерге кедергі келтірмеуі үшін ауыр техникаларды түнде шығармақпыз, - дейді "Таза Өскемен" ШЖҚ КМК баспасөз қызметі.
Сондай-ақ коммуналдық қызметкерлер қаланың барлық көшелері кезең-кезеңімен қардан тазартылатынын атап өтті.
Тұрғындар кейбір көшелердің тазаланбағанын айтып, әлеуметтік желіде жиі шағымданады. Барлық көшелер тазартылады, тек таулы аймақта тұратын аудандарда жел соғып, қолайсыздық туғызуы мүмкін. Мәселен, 19-шы шағын ауданда жел қатты соғады. Грейдерлер жүріп өтсе де, қатты жел салдарынан қайта қар алып қалады, - дейді жауапты мекеме.