ШҚО-да ертең -30 градусқа дейін аяз болады

ШҚО-да ауа температурасы 20-25, ал солтүстікте 30 градус аязға дейін күрт төмендеуі мүмкін, деп хабарлайды Устинка LIVE тілшісі.

14 желтоқсанда облыстың түнде басым бөлігінде, күндіз солтүстігінде, шығысында, оңтүстігінде жаяу бұрқасын күтіледі. Жел солтүстік-батыстан, батыстан соғады, күндіз облыстың оңтүстігінде екпіні 15-20 м/с. Ауа температурасының 20-25, облыстың солтүстігінде 30 градус аязға дейін күрт төмендеуі күтіледі, - деп мәлімдеді "Қазгидромет" ШҚОФ.

ТЖД мамандары осыған байланысты азаматтарға елді мекендерден тыс жерлерге шығудан бас тарту ұсынылады. Ал шыққан жағдайда барлық қауіпсіздік шараларын қатаң сақтау ұсынылады.

Төтенше жағдай кезінде 112 нөміріне хабарласу қажет.