Өскемен мен ШҚО ШҚО-да түн ортасында жолда қалғандарды ТЖ қызметкерлері құтқарды
Өскемен-Семей тас жолында келе жатқан автокөлік бұзылып қалған
Көліктегі үш адам жақын маңдағы құтқару пунктіне жеткізілді, деп хабарлайды Устинка LIVE.
8 желтоқсанда 03.25-те "Привольное" трассалық медициналық-құтқару пунктіне "Өскемен-Семей" трассасының 108 шақырымында автокөлік бұзылып, адамдар эвакуациялауға мұқтаж екендігі туралы сигнал түсті, - деп хабарлады ШҚО ТЖД баспасөз қызметі. - Оқиға орнына Апаттар медицинасы орталығының жедел әрекет ету бригадасы келді. "Равон" маркалы сынған көлікте 3 адам болған.
Бригада оларды трассалық медициналық-құтқару пунктіне жеткізіп, дәрігерлер олардың денсаулық жағдайын тексерді. Адамдар өте қатты тоңған, алайда үсік белгілері жоқ. Саяхатшылар сол құтқару пунктінде түнеп шықты. Таңертең 8 желтоқсанда сағат 07.30-да азаматтар көлік құралына эвакуатор іздеп кетті.
ШҚО ТЖД азаматтарға қауіпсіздік шараларын сақтауды ескертеді. Төтенше жағдай кезінде 112 нөмірі бойынша хабарлау қажет.
