Өскемен мен ШҚО Медициналық сақтандыруы болмаса, қант диабетіне шалдыққандарға тегін ем жүргізіле ме?
ШҚО және Абай облыстарында 36 616 түрғын қант диабетінің екінші типті жағдайымен диспансерлік есепте тұр
Қант диабеті медициналық сақтандыру жүйесіндегі сақтандыру мәртебесіне қарамастан, ТМККК шеңберінде және МӘМС есебінен барлық медициналық көмек көрсетілетін бекітілген әлеуметтік маңызы бар аурулардың тізбесіне кіреді, деп хабарлайды Устинка LIVE ШҚО ӘМСҚ ШҚОФ баспасөз қызметіне сілтеме жасап.
Бүгінде Шығыс Қазақстанда (Абай облысымен қоса есептегенде) 36 616 түрғын қант диабетінің екінші типті жағдайымен диспансерлік есепте тұрса, оның 1647 – бірінші типті, және 300-ден астам балалар мен жасөспірімдер есепте тұр, - делінген мекеме таратқан ақпаратта.
ШҚО Денсаулық сақтау басқармасның шаттан тыс бас эндокринологы Бибинур Сафиуллина қандай жағдайда қант диабетіне шалдыққан адамға тегін медициналық көмек көрсетілмеуі мүмкін екенін айтты.
Науқас ҚД диагнозымен Д-есепте тұр, бірақ сақтандырылмаған. Бұл жағдайда оған барлық консультациялық-диагностикалық көмек тек оның негізгі ауруы аясында көрсетіледі. Басқа аурулар бойынша медициналық қызметтерді алу үшін оған сақтандыру мәртебесін алу қажет болады. Науқас әлі ҚД-мен Д-есепте тұрмайды, сонымен қатар оның сақтандыру мәртебесі жоқ. Бұл жағдайда ол МӘМС арқылы диагнозды нақтылау үшін қажетті тексерулерден өте алмайды. Сақтандырусыз оны Д -есепке қоя алмайды және қажетті медициналық көмек көрсетілмейді, - деп түсіндірді ол.
Бүгінгі таңда қант диабеті – ҚР-дағы ең қымбат әлеуметтік маңызы бар аурулардың бірі.
Естеріңізге сала кетейік, инсулинге тәуелді 1 және 2 типті ҚД бар барлық пациенттер ТМККК шеңберінде жеңілдікті препараттармен және медициналық бұйымдармен, оның ішінде инсулиндермен, тест-жолақтармен, инсулин сорғыларымен қамтамасыз етілген.
Өңіріміздің бас эндокринологы Бибинур Сафиуллинаның айтуынша, 2-типті қант диабетін емдеудегі басты қағидалар: диетотерапия, дене белсенділігі, оқып-білу және өзін-өзі бақылау, қантты төмендететін препараттар.
