ШҚО-да биыл терроризм туралы 4 хабарлама түскен

"Әзілқойлардың" бірі орынсыз қалжыңы үшін 3 жылға бас бостандығынан айырылды, деп хабарлайды Устинка LIVE тілшісі.

Ағымдағы жылы ШҚО-да терроризм актісі туралы көрінеу жалған хабарлау фактілері бойынша ҚР Қылмыстық кодексінің 273-бабы бойынша 4 сотқа дейінгі тергеу тіркелді, - деп хабарлады ШҚО Прокуратурасының баспасөз қызметі. - 1 қылмыстық іс бойынша айыптау үкімі шығарылды. Өскемен қаласының "Аружан" сауда үйінде салынған жарылғыш құрылғы туралы хабарлаған облыс орталығының тұрғыны осылайша "әзілдемекші" болған, нәтижесінде ол 3 жылға бас бостандығын шектеуге сотталды. Қалған қылмыстық істер бойынша кешенді жедел-іздестіру іс-шаралары өткізілді.

Бұдан өзге ШҚО-да әлеуметтік желі арқылы жалған жала жауып, өтірік ақпарат таратқан адам жауапқа тартылғанын еске салады.

"Instagram" желісінде облыс кәсіпорындарының бірінің қызметі туралы көрінеу жалған мәліметтерді таратқаны үшін ҚР Қылмыстық кодексінің 374-бабы бойынша сот үкімімен 2 жылға бас бостандығын шектеу бойынша сотталған азамат С есімді азаматқа қатысты соттың айыптау үкімі шығарылды, - делінген хабарламада.

Осыған байланысты Шығыс Қазақстан облысының прокуратурасы азаматтарды шындыққа сәйкес келмейтін мәліметтерді таратпауға, арандатушылық шақыруларға берілмеуге және заңсыз акцияларға қатысудан бас тартуға, тек ресми ақпарат көздеріне сенуге шақырады.