Өскемен мен ШҚО Өскемендіктер тағы бір алаяқтың арбауына алданды
Өскеменде белгісіз біреу ғаламтор арқылы автобөлшектер сатамын деп жарнама беріп, ақшасын алдын ала аудартып алып, алдап кеткен
Өскемен қаласы ПБ Ертіс полиция бөлімінің “102” жедел арнасына облыс орталығының 59 жастағы тұрғынының өтініші келіп түсті. Әйел адам автобөлшектерді сатып алмақшы болып алаяққа тап болғанын айтқан, деп жазды Polisia.kz.
Жәбірленуші хабарламаларды қарап Nissan автокөлігіндегі қозғалтқыш пен артқы мосты сату туралы тиімді ұсынысты байқаған.
Сатушымен хабарласып, мәмілеге келіп, оған шамамен 500 мың теңге аударған, Алайда қолына ешқандай қосалқы бөлшектер тимеген.
Бір күн өткеннен кейін полиция бөліміне белгісіз адамның қолынан зардап шеккен тағы бір қала тұрғыны жүгінген, ол осыған ұқсас жағдай бойынша 270 мың теңге көлемінде ақшасын алып алған.
Өтінішті қабылдағаннан кейін, тәртіп сақшылары дереу қылмыстарды ашуға кіріскен. Жедел-профилактикалық іс-шарасы жүргізілген, оның барысында криминалдық полиция қызметкерлері күдіктіні анықтап, ұстаған. Ол 31 жастағы жергілікті тұрғыны болып шыққан.