Өскеменде дәрігерлер үшін көпқабатты үй салынбақ

Өңір бойынша дәрігер тапшылығы әлі де сезілуде. ШҚО әкімдігі баспасөз қызметінің мәліметіне сүйенсек, соған орай жастарды осы салаға тарту үшін бірқатар жоба қолға алынуда. Оның бірі – ақ халаттыларды баспанамен қамтамасыз ету.

Облыста медицина кадрлары жетіспеушілігі бойынша мәселе бұрынғыдай өзекті. Әсіресе, Өскемен, Риддер, Алтай қалаларында және Глубокое ауданында дәрігер жетіспейді. Биыл медициналық оқу орындарының 91 түлегі Шығыс Қазақстандағы ауруханаларға жұмысқа тартылды. Бұл бағыттағы жұмысты жалғастырамыз, - деді аймақ басшысы Даниал Ахметов.

Оның айтуынша, осы жылы Өскеменде дәрігерлерге арналған көпқабатты үйдің құрылысы басталуы тиіс. Сондай-ақ қалалар мен аудандардың әкімдері медицина қызметкерлеріне берілетін үйлердің жобаларын ұсынады.