Өскемен мен ШҚО Өскеменде үй қызметшісі 61 млн теңгені жымқырып, сол ақшаға той жасаған
21 жастағы қызметші үй иесінің сейфінен 130 мың АҚШ долларын ұрлаған
Алдымен сейфтен 100 мың АҚШ долларын алып, шетелде демалып та келген көрінеді, деп хабарлайды Устинка LIVE тілшісі.
Өскемен қаласы ПБ Сол жағалау ПБ-ның “102” жедел арнасына облыс орталығының 35 жастағы тұрғыны жүгінген. Ол үйдің астыңғы қабатында орналасқан сейфтен шамамен 130 000 АҚШ доллары жоғалғанын, бұл шамамен 61 100 000 теңгені құрайтынын хабарлаған.
Жәбірленушінің арызы бойынша полицейлер дереу қылмысты ашуға кіріскен. Қабылданған шаралардың нәтижесінде криминалдық полиция қызметкерлері күдіктіні анықтады, - деп хабарлады ШҚО ПД баспасөз қызметі. - Ол жәбірленушінің үй қызметшісі болып жұмыс істеген 21 жастағы қыз болып шықты. Күдіктінің айтуынша, тамыз айының басында ол сейфтен алғаш рет 10 000 АҚШ долларын ұрлаған және осы ұрланған ақшаға шетелде демалып келген. Демалыстан оралғанда қыз үй иелері ақшаның жоғалғанын байқамағанын түсінген, әрі қарай ештеңе болмағандай сол үйде жұмысын жалғастырған. Бір айдың ішінде үй қызметкері сейфтен 130 000 АҚШ долларын алып шыққан. Бұл ақшаға ол үйлену тойын жасаған, пәтер және көлік сатып алған.
Қазіргі уақытта 21 жастағы күдікті уақытша ұстау изоляторына қамалды. Аталған факті бойынша ҚР ҚК-ның 188-бабы 4-бөлігі (Ірі көлемде жасалған ұрлық) бойынша сотқа дейінгі тергеу басталды.