Өскемен мен ШҚО Алтай ауданына жаңа әкім тағайындалды
Бұл қызметке ШҚО Кәсіпкерлік және индустриялық-инновациялық даму басқармасының басшысы болған Ернар Мұстафин келді
Жұмыс сапарымен Алтай ауданында болған өңір басшысы Даниал Ахметов мәслихат депутаттарының келісімі бойынша ауданның жаңа әкімі Ернар Мұстафинді таныстырды, деп хабарлайды Устинка LIVE тілшісі.
Оның еңбек тәжірибесі жоғары, депутаттардың қолдауымен қойылған міндеттерді орындай алады деп сенемін. Ең алдымен, бұл-Алтай қаласының су тартқышын қайта жаңартуды аяқтау, қысқа мерзімде заманауи фитнес-орталық салу жобасын әзірлеу және ауданда жаңа мектеп салу жобасын дайындау, - деп бірден тапсырмалар жүктеді Даниал Кенжетайұлы.
Серебрянск қаласында сумен жабдықтау бойынша жоба аяқталу сатысында, қазіргі уақытта ол сараптамадан өтуде.
Ал Серебрянск органикалық емес өндіріс зауытында бүгінде барлық заңды рәсімдер жүргізіліп жатыр, әлі де уақытты қажет етуде. Зауытты іске қосу алгоритмі әзірленді. Жақын арада кәсіпорын өз жұмысын бастайды. Жобаны түзеткеннен кейін біз Алтай-Өскемен жолындағы жол-құрылыс жұмыстарын қайта бастаймыз. Бұл облыс үшін маңызды бағытты аяқтаймыз, - деп атап өтті Даниал Ахметов.