Өскемен мен ШҚО Өскемен тұрғыны өз қызына 4 млн теңгеден астам қарыз
Облыс орталығының тұрғыны алимент төлемей, өзінің 14 жастағы қызына 4 320 250 теңге қарыз болып қалды
36 жастағы азамат 2021 жылдың ақпан айынан бастап алимент төлеуден жалтарған. Ізіне түскен көші-қон қызметінің мамандары борышкерді тапты, деп хабарлайды Устинка LIVE тілшісі ШҚО ПД баспасөз қызметі ұсынған ақпаратқа сүйеніп.
Көші-қон қызметінің қызметкерлері алимент төлеуден жалтарып жүрген адамның орналасқан жерін көп ұзамай анықтады. Енді қарызды өндіріп алумен сот орындаушылары айналысады, - деді КҚБ бастығының міндетін уақытша атқарушы Ринат Шкибаев.
Жыл басынан бері ШҚО Полиция департаменті алимент төлемей жүрген 100-ден астам адамды анықтады.
ШҚО ПД көші-қон қызметі атқару құжатын орындамағаны үшін ҚР ӘҚБК 669-бабы бойынша әкімшілік жауапкершілік және ҚР ҚК 139-бабы бойынша қылмыстық жауапкершілік көзделгенін ескертеді.